Gjykata e Lartë ka ndryshuar masën e sigurisë për kryebashkiakun e Kavajës, Elvis Roshi, duke e kaluar nga “arrest shtëpie” në “detyrim paraqitjeje”.
Kreu i Bashkisë së Kavajës ishte nën masën e sigurisë “arrest shtëpie” prej më shumë se tre muajsh.
Avokati mbrojtës i Roshit, Theodhori Sollaku, tha se vendimi i gjykatës së lartë i jep të drejtën Roshit të kthehet në detyrë.
Tre muaj më parë, Gjykata e Apelit rrëzoi kërkesën e Roshit për heqjen e masës së sigurisë “arrest shtëpie”.
Kreu i Bashkisë së Kavajës akuzohet për fshehje dhe mosdeklarim të të dhënave në formularin e vetëdeklarimit, çka përbën shkelje të ligjit të dekriminalizimit.
Gjykata e Shkallës së Parë ka dhënë për Roshin masën e sigurisë "arrest shtëpie", masë kjo që u la në fuqi edhe nga Apeli, për t’u ndryshuar me vendimin e sotëm të Gjykatës së Lartë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
