Sot është zhvilluar ceremonia mortore e 37- vjeçares Brunilda Kovaçit, e cila u gjet e vrarë në Francë. Ndërkohë në varrimin e saj nuk janë lejuar që të marrin pjesë dy vëllezërit e saj që ndodhen në burg.
Shpëtim Kovaçi,vëllai i Brunilda Kovaçit, ka tentuar vetëvrasjen brenda ambjenteve të Burgut të Beratit, ku ishte duke vuajtur dënimin.
Kovaçi, ka tentuar të presë damarët e fytit me briskun e rrojes.
Ai është gjetur i gjakosur në dhomë nga policët e burgut,të cilët e kanë sjellë me urgjencë drejt Spitalit Rajonal të Beratit,ku ndodhet nē Sallën e Operacionit.
Mjekët e Repartit të Urgjencës kanë deklaruar se,ai është jashtë rrezikut për jetën. Pas mjekimit tē marrë,ai është transportuar sërish drejt IEPV-së Berat. 32-vjeçari Shpëtim Kovaçi ishte dënuar për “vrasje” 8-vite më parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
