Dy persona janë arrestuar nga Policia e Durrësit në tentativë për të shitur mina me telekomandë kundrejt përfitimit monetar. Burime nga policia bënë të ditur se gjatë operacionit të koduar “Distanca” janë sekuestruar katër mina.
Në pranga janë vënë shtetasit Agron Gurakuqi, 46 vjeç, banues në Tiranë, i dënuar më parë për veprën penale “Ndërtim pa leje” dhe Bledian Greca, 35 vjeç, banues në Tiranë, i dënuar më parë për veprën penale “Armëmbajtja pa leje”.
Gjatë kontrollit fizik, 46-vjeçarit shërbimet e Policisë i kanë gjetur dhe sekuestruar në cilësinë e provës materiale 4 mina me telekomandë, të cilat këta shtetas, në bashkëpunim me njëri-tjetrin, do i shisnin me çmimin 2000 deri në 3000 euro.
Po gjatë operacionit, në banesën e shtetasit Bledian Greca, shërbimet e Policisë kanë gjetur dhe sekuestruar në cilësinë e provës materiale një sasi të vogël lënde narkotike kanabis sativa.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
