Një aksident i rëndë ka ndodhur ditën e sotme në Itali, ku ka humbur jetën një i ri shqiptar dhe një italian. Sipas mediave italiane, viktimat ishin duke udhëtuar në autostradën “A4” midis San Dona di Piave dhe Cessalto.
Viktimat janë identifikuar si Erik Galluzzo, 28 vjeç, me origjinë nga Mortegliano dhe shqiptari Eder Shqalshi, një 34-vjeçar, të dy me banim në Talmassons në provincën e Udine.
Ata ishin duke udhëtuar në një furgon, por u përplasën me një kamion dhe kanë humbur jetën. Goditja mes dy mjeteve ishte shumë e fortë dhe ata ndërruan jetë në vend.
Policia ka nisur hetimet lidhur me këtë aksident, ku përveç dy viktimave ka mbetur dhe një person i tretë i plagosur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
