Makina përplas për vdekje një të mitur 3 vjeç në aksin Korçë-Ersekë

Një aksident i rëndë me pasojë vdekjen e një të mituri është regjistruar në aksin rrugor Korçë-Ersekë, pranë fshatit Kamenicë.

Sipas informacioneve paraprake, një automjet ka përplasur një fëmijë që po lëvizte në rrugë. 

Si pasojë e plagëve të marra, i mituri ka humbur jetën në spital.

Burime paraprake bëjnë me dije se fëmija ka qenë i shoqëruar nga nëna e tij në momentin e aksidentit, por përplasja ka rezultuar fatale.

Korçë/Informacion paraprak

Rreth orës 16:30, në aksin rrugor Korçë–Ersekë, në fshatin Kamenicë, automjeti tip "Nisan", me drejtues shtetasin Sh. V., 76 vjeç, ka përplasur dy këmbësorë (nënë e bir), shtetasen Sh. M., rreth 44 vjeçe, dhe djalin e saj të mitur, rreth 3 vjeç.

Si pasojë e aksidentit, në spital ka ndërruar jetë fëmija i mitur, ndërsa shtetasja Sh. M, po merr ndihmë mjekësore, jashtë rrezikut për jetën.

Specialistët e Sektorit të Qarkullimit Rrugor shoqëruan në Komisariat drejtuesin e automjetit, shtetasin Sh. V., për kryerjen e veprimeve procedurale.

Grupi hetimor ndodhet në vendngjarje dhe po punon për zbardhjen e rrethanave të aksidentit.