Një operacion i policisë së Tiranës i koduar “Universi”, ka vënë në pranga tre persona dhe ka shpallur në kërkim një tjetër për vjedhje prone dhe pasurie.
Të dyshuarit e ndaluar gjatë ditës së martë janë I. Xh. (D)., 35 vjeç, S. D., 20 vjeç, F. D., 19 vjeç, të tre banues në Bathore, për veprën penale “Vjedhja”, e kryer në bashkëpunim.
Gjithashtu, në kuadër të këtij operacioni, u shpall në kërkim shtetasi Q. H., 31 vjeç, banues në Paskuqan.
Të ndaluarit, në bashkëpunim me njëri-tjetrin, gjatë ditëve të fundit, në vende të ndryshme, gjatë orëve të vona të natës, kryenin vjedhje banesash dhe biznesesh në zonën e Kamzës.
Nga tërësia e veprimeve hetimore ka rezultuar se këta shtetas janë autorë të tre rasteve të vjedhjeve të ndryshme, konkretisht:
Më datë 27.02.2022, në rrugën “Demokracia”, në Paskuqan, dyshohet se kanë vjedhur në biznesin në pronësi të shtetasit I. D.;
Më datë 12.03.2022, në Bathore, dyshohet se kanë vjedhur një shumë parash në banesën e shtetasit Sh. B.;
Gjithashtu, po më datë 12.03.2022, në rrugën “Shupenza” në Bathore, dyshohet se kanë vjedhur një shumë parash në banesën e shtetasit Sh. K.
Aktualisht vijon puna për dokumentimin e vjedhjeve të tjera që mund të jenë kryer nga të dyshuarit, ndërkohë që materialet iu referuan Prokurorisë së Tiranës, për ndjekje të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
