Një 24-vjeçar është arrestuar nga policia, pasi dyshohet se ka vjedhur bizhuteri floriri në një banesë në Ishull Shëngjin.
Sipas njoftimit të Policisë, i riu Marjolin Malaj është identifikuar falë kamerave të sigurisë, ku shihej duke hyrë në banesë gjatë ditës dhe duke marrë sendet me vlerë.
Vlera e bizhuterive të vjedhura përllogaritet rreth 300,000 lekë. Hetimet kanë zbuluar se pas vjedhjes, Malaj i kishte shitur bizhuteritë në një argjendari në Shkodër.
Gjatë kontrollit në këtë subjekt, u gjetën bizhuteritë, ndërsa në vijim të veprimeve procedurale, nisi procedimi në gjendje të lirë, për veprën penale “Fshehja e të ardhurave”, për pronarin e subjektit, shtetasin E. P., 41 vjeç, banues në Shkodër. Materialet procedurale iu referuan Prokurorisë së Lezhës, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
