Plagosje me armë zjarri në Tiranë/ Pula: I plagosuri shkon në spital privat për mjekim, autori në arrati (VIDEO)

Një plagosje me armë zjarri ka ndodhur në zonën e Laprakës.

Siç bën të ditur gazetari Besmir Pula, Ervin Nela është plagosur nga Mario Nela, ndërkohe që ky i fundit, sipas policisë, pritet të vetedorëzohet së shpejti.

I plagosur ka mbetur Ervin Nela nga kushëriri i tij, Mario Nela. Ai ka marrë një plumb në pulpën e këmbës dhe ndodhet jashtë rrezikut për jetën.

Nga komunikimi që kisha nga Spitali i Traumës më është thënë që ai nuk është dërguar në Spitalin Ushtarak por në një spital privat afër Kamzës dhe ndodhet jashtë rrezikut për jetën. Mbetet i paqartë akoma shkaku i konfliktit.

Poashtu sipas shefit të Krimeve, autori i krimit, nga momenti në moment pritet të vetdorëzohet.

Shërbimet e Sektorit për Hetimin e Krimeve të Rënda në DVP Tiranë, pas marrjes së njoftimit se, ditën e sotme ishte paraqitur në spital për ndihmë mjekësore një shtetas, dyshohet i plagosur me armë zjarri, menjëherë kanë organizuar punën për dokumentimin e plotë ligjor të ngjarjes dhe identifikimin e autorëve të dyshuar. Nga veprimet e shpejta hetimore u bë identifikimi i autorëve të dyshuar, shtetasve G. Nela, Ervin Nela, dhe Mario Nela, të cilët pas një konflikti për motive të dobëta, ditën e sotme, në afërsi të vendit të quajtur “Rrethrrotullimi i 3-shit”, dyshohet se kanë qëlluar me armë zjarri shtetasin Ervin Nela, i cili ndodhet në spital, në kujdesin e mjekëve, jashtë rrezikut për jetën. Shtetasit G. Nela, dhe Ervin Nela, janë shoqëruar në polici për veprime të mëtejshme dhe vijon puna për kapjen e shtetasit Mario Nela. Në cilësinë e provës materiale janë sekuestruar një armë gjahu dhe një pistoletë zhurmuese.