Policia ka bërë të mundur arrestimin e një 51-vjeçari i cili 4 vite më parë mashtroi një shtetase dhe i mori 270 mijë euro.
51-vjeçari me iniciale A.A., u arrestua 4 vite pas shpalljes në kërkim, pasi i kishte marrë shtetases S.B., një shumë të madhe parash dhe nuk i kishte dhënë as faturë tatimore.
“Specialistët e Seksionit për Hetimin e Krimit Ekonomik dhe Financiar bënë ndalimin e shtetasit A. A., 51 vjeç, pasi në vitin 2017, me anë të mashtrimit, i ka përvetësuar shumën 270.000 euro, për të cilat nuk i ka lëshuar as faturë tatimore, shtetases S. B.", thuhet në njoftimin e policisë.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
