Gjykata e Vlorës ka dënuar me 145 vite burg në total pesë të akuzuarit për atentatin ndaj Ines Hajrullaj, ngjarje kjo e ndodhur disa vite më parë në zonën e “Ujit të Ftohtë”. Gjatë shqyrtimit të dosjes, u gjet fajtor për kryerjen e veprës penale “Vrasja në rrethana cilësuese” e kryer në bashkëpunim e mbetur në tentativë Daut Elmazi, i cili është dënuar me 35 vite burgim.
Fajtor është shpallur edhe Gentjan Dautaj (Zoto), i cili po ashtu është dënuar me 35 vite burgim. Fajtorë me nga 25 vite burg janë shpallur Igli Memaj, Serxhio Ademi dhe Albano Goxhaj.
Ngjarja u regjistrua më 10 maj të vitit 2020, ku Hajrulla u qëllua me armë zjarri nga një automjet në lëvizje, teksa ishte ulur në një lokal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
