Aksident me pasojë dy persona të plagosur është regjistruar pak minuta pas mesnate në rrugën që lidh Talen me superstradën Lezhë-Milot. Ngjarja ka ndodhur në vendin e quajtur ura e Prekanit, ku dy automjete janë përplasur me njëra tjetrën e për pasojë kanë mbetur të plagosur dy persona. Burime bëjnë me dije se të plagosurit kanë mbetur të bllokuar për disa minuta në makinë dhe për nxjerrjen e tyre u desh ndërhyrja e zjarrfikësve. Dy të plagosurit më pas janë dërguar me urgjencë në spitalin e Lezhës për ndihmë mjekësore ku mësohet se janë nën kujdesin e mjekëve. Policia dhe grupi hetimor në vendngjarje po punojnë për zbardhjen e plotë të shkaqeve të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
