Policia e Mallkastrës ka vënë në pranga një 33-vjeçar me iniciale N.I., pasi dyshohet se ka ngacmuar seksualisht një shtetase të mitur dhe ka kryer veprime të turpshme ndaj saj. Rasti u publikua në një emission investigative në Shqipëri dhe mbi 33-vjeçarin rëndojnë akuzat "Përndjekja", "Ngacmimi seksual" dhe "Vepra të turpshme.
Njoftimi i plotë/ Mallakastër Në lidhje me rastin e publikuar në emisionin "Piranjat", në televizionin ABC News Albania, në të cilin është trajtuar rasti i një shtetasi që dyshohet se ka ngacmuar seksualisht një shtetase të mitur dhe ka kryer veprime të turpshme ndaj saj, ju bëjmë me dije se:
Pas publikimit të këtij rasti, specialistët për Hetimin e Krimeve në Komisariatin e Policisë Mallakastër kanë ndaluar për veprat penale "Përndjekja", "Ngacmimi seksual" dhe "Vepra të turpshme", shtetasin N. I., 33 vjeç, banues në Klos, Mallakastër.
Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale.
Drejtoria Vendore e Policisë Fier falënderon mediat dhe qytetarët që denoncojnë raste të tilla dhe i fton sërish ata që të denoncojnë çdo rast paligjshmërie në numrin 112 apo në Komisariatin Dixhital, duke iu garantuar anonimat të plotë dhe reagim të menjëhershëm e të paanshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
