Një aksident i rëndë është regjistruar mbrëmjen e sotme në Elbasan, ku si pasojë ka ndërruar jetë një person.
Sipas informacioneve nga vendi i ngjarjes, aksidenti ka ndodhur në zonën e Cërrikut, ndërsa viktima është identifikuar si Tomor Kasa, 60 vjeç.
Ndaj shtetasit Shtetasi Ervis Hysa është marrë masa e arrestit, ndërsa në vendngjarje kanë shkaur forcat e policisë për zbardhjen e plotë të rrethanave të aksidentit.
Njoftimi i policisë:
Aksidentoi një 60-vjeçar, me pasojë vdekjen, dhe u largua menjëherë nga vendi i aksidentit, identifikohet, kapet dhe vihet në pranga, brenda pak minutash, autori i dyshuar.
Rreth orës 19:00, në lagjen nr. 3, Cërrik, një automjet aksidentoi me pasojë vdekjen, shtetasin T. K., rreth 60 vjeç, banues në Cërrik, dhe u largua menjëherë nga vendi i aksidentit.
Falë veprimeve të shpejta dhe të mirëkoordinuara policore, është bërë i mundur identifikimi, kapja e menjëhershme dhe shoqërimi në ambientet e DVP Elbasan, i shtetasit E. H., 35 vjeç, banues në Cërrik, si autor i dyshuar i këtij aksidenti. Ndaj 35-vjeçarit do të kryhen veprimet e mëtejshme procedurale në lidhje me këtë ngjarje.
Grupi hetimor vijon punën për zbardhjen e plotë të rrethanave të këtij aksidenti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
