Gjykata e Durrësit ka dhënë masën arrest me burg për shoferin e autobusit ku u gjetën 522 mijë euro të padeklarauara.
Ndërsa, D. K., 36 vjeç, banues në Tiranë dhe A. C., 32 vjeç, banues në Elbasan, ndihmësit e drejtuesit të autobusit të cilët u arrestuan në datën 21 tetor, janë lënë të lirë. Gjykata ka vendosur masën “Detyrim paraqitje.”
Katër ditë më parë autoritetet bënë me dije se eurot ishin fshehur në pjesën e sipërme të autobusit të linjës Bari-Durrës në 6 qese plastmasi.
Gjithashtu kishte dhe mallra të kontrabanduara (kafe, cigare, pije alkoolike, ilaçe, karroca për fëmijë, elektroshtëpiake dhe veshmbathje).
Ditën e djeshme u zbardh dëshmia e shoferit Elidon Çela. Ky i fundit ka thënë se paratë janë si pasojë e bizneseve dhe kursimeve familjare. Ai ishte shoferi dhe pronari i autobusit.
Arrestimi i personave u bë nga policia doganore në portin e Durrësit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
