Dy persona janë arrstuar nga policia në Mirditë, pasi nuk iu bindën urdhrit për të ndaluar.
Në pranga janë vënë një drejtues mjeti dhe pasagjeri që udhëtonte me të.
Shoferi me pasagjerin kanë kundërshtuar ndalimin duke reaguar me dhunë kundrejt një polici, pasi u është kërkuar që të shoqërohen në ambientet e policisë.
Të arrestuarit janë shtetasit me iniciale T. L., 24 vjeç dhe E. N., 26 vjeç, të dy banues në Mirditë.
“Arrestimi i tyre u bë pasi shtetasi T. L., duke drejtuar mjetin e tij, pas testit të alkoolit ka rezultuar në gjendje të dehur dhe në momentin që shërbimet e Policisë do ta shoqëronin në Komisariat, ky shtetas, në bashkëpunim me shtetasin E. N., pasagjer në mjet, ka kundërshtuar me dhunë punonjësit e Policisë, por janë shoqëruar forcërisht nga këta të fundit” njofton policia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
