Policia greke ka finalizuar më sukses aksionin për shkatërrimin e një bandë kriminale me veprimtari në trafikun e drogë në Komotini dhe përreth saj.
Operacioni policor çoi prapa hekurave anëtarë të një bande, në përbërje të së cilës ishin shqiptarë dhe grekë. Besohet se anëtarë të bandës ishin një 29-vjeçar, dy 22-vjeçarë dhe një 21-vjeçar, i cili përdorej si korrier i lëndëve narkotike, raportojnë mediat greke.
Raportohet se 22 vjeçari ka lindur në Shqipëri, por mediat e vendit fqinj nuk publikojnë identitetin e tij. Ndërkaq, 21-vjeçari, i dyshuar si korrier droge është një banor i zonës. Policia greke ka arritur të dokumentojë se katër personat bashkëpunonin si bandë në sektorin e trafikut të drogës. Në banesën ku ata jetonin, forcat policore helene, përpos drogës, gjetën thika e para. Të arrestuarit do të përgjigjen për një sërë akuzash.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
