Zvicra ka pranuar faktin se Bashkimi Evropian do të heqë vendin nga lista e tij gri e “parajsave fiskale” pas një reforme në sistemin e taksave të korporatave.
“Zvicra përmbush dhe zbaton standardet ndërkombëtare të taksave. Bashkimi Evropian e ka pranuar këtë ... "thuhet në një deklaratë të lëshuar nga Sekretariati Shtetëror për Financat Ndërkombëtare (SIF), të enjten.
Zvicra, një partner i madh ekonomik i BE-së, ishte në listën grit ë BE-së që prej dhjetorit 2017. Lista përfshin kombet që janë zotuar të ndryshojnë rregullat e tyre të taksave për t'i bërë ato në përputhje me standardet e BE-së.
Zvicra i ka përmbushur angazhimet e saj, thueht në një deklaratë të BE-së pas një takimi të ministrave të financave në Luksemburg. Ky vendim pritej prej kohësh.
"Është një sukses për mua nëse Zvicra del nga kjo listë. Lista më e mirë është një e shkurtër", tha Pierre Moscovici, Komisioneri Evropian për Çështjet Ekonomike dhe Financiare, në një konferencë për shtyp më pas.
BE pranoi se një reformë tatimore e kaluar majin e kaluar - dhe që do të duhej të nisë nga zbatimi që nga viti 2020 - ishte e mjaftueshme për të përmbushur kërkesat e saj.
Kjo u theksua edhe në deklaratën e Zvicrës. "Me këtë ligj, Zvicra do të shfuqizojë regjimet tatimore që nuk janë më në përputhje me standardet ndërkombëtare që nga 1 janari 2020. Ligji prezanton masa të pranuara ndërkombëtarisht për lehtësimin e taksave siç është kutia e patentave, duke siguruar kështu që Zvicra të mbetet një vend tërheqës për bizneset", tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
