Festa e ditëlindjes së aktorit Bes Kallaku është pasuar me penalizimet që vijnë në kuadër të zbatimit të masave anti-Covid.
Policia ka gjobitur me 1 mln lekë të reja pronarin e lokalit, shtetasin F.U. dhe ka pezulluar nga detyra 6 efektivë policie për moskryerje të kontrollit të territorit dhe ka nisur ndaj tyre ecurinë disiplinore për shkelje të rëndë.
Gjithashtu në bazë të pamjeve filmike janë identifikuar të gjithë personat që ishin pjesëmarrës në aktivitetin e zhvilluar dhe do ndëshkohen me masë administrative për shkelje të masave kufizuese anticovid-19.
Festa e ditëlindjes u zhvillua më datë 20.11.2020 në një lokal në fshatin Laknas, Bashkia Kamëz, ku ishin të fuar 30 persona, mes të cilëve kreu i shtetit, Ilir Meta, dhe kryetarja e LSI-së, Monika Kryemadhi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
