Tre vajza italiane kanë përfunduar në prangat e Policisë së Vlorës pasi dyshohet se grabitën në një argjendari, një byzylyk të shtrenjtë duke shpërqendruar shitësen.
Sipas informacioneve, mësohet se vlera e byzylykut me diamante ishte e madhe, ndërsa ngjarja u zbulua vetëm pas largimit të tyre nga dyqani.
Pronarët e dyqanit kërkuan ndihmë për të identifikuar 3 vajzat, të cilat flisnin italisht. Qytetarët arritën që t'i identifikonin, ndërsa u kapën teksa po largoheshin nga Porti i Vlorës.
Policia i ka ndaluar menjëherë në terminal, ndërsa pas marrjes në pyetje, ato kanë deklaruar se kanë mbërritur disa ditë më parë në qytetin e Vlorës dhe kanë pranuar autorësinë e vjedhjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
