Një shtëpi te lagjja ‘Kroi i Vitakut’ në veri të Mitrovicës dyshohet se u sulmua me një koktej molotovi rreth orës 00:30 të natës, ka konfirmuar zëvendësdrejtori i policisë për veriun e Kosovës, Veton Elshani.
Për këtë ka njoftuar edhe ministri i Administrimit të Pushtetit Lokal, Elbert Krasniqi, i cili në emër të qeverisë e dënoi fuqishëm këtë akt.
Qeveria e Republikës së Kosovës e dënon fuqishëm këtë akt dhe as ky e asnjë sulm tjetër nuk e ndal kthimin e banorëve në pronat e tyre. Kërcënimet, shantazhet, pamfletet terroriste, nuk i frikësojnë qytetarët dhe as nuk e ndalojnë punën tonë për sigurimin e banimit të qëndrueshëm.
Ministri i Pushtetit Lokal, ka akuzuar presidentin e Serbisë, Aleksandar Vuçiç për nxitje të mosdurimit etnik.
Ky sulm është nxitje e mosdurushmërisë etnike e cila nxitet nga Vuçiçi i cili ka mbetur i mbyllur në propagandën e tij dhe e ka humbur kontrollin e strukturave paralele në pjesën veriore.
Ai ka thënë se rasti ka ndodhur rreth orës 00:30 gjatë mesnatës dhe se një patrullë policore ka identifikuar tym në një nga shtëpitë e ndërtuara nga Qeveria në Kodrën e Minatorëve.
Sipas tij zjarri është fikur dhe dëmet janë sanuar ndërkohë që nuk ka pasur persona të lënduar.
Aktualisht nuk ka të dyshuar apo të arrestuar nga Policia në veri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
