Sherr mes të rinjve, dy të plagosur me armë zjarri te shkolla “Vasil Shanto”

Konflikti mes disa të rinjve ka degjeneruar në përdorimin e armëve të zjarrit mesditën e sotme në Tiranë.

Ngjarja ndodhi në afërsi të shkollës “Vasil Shanto”.

Mësohet se disa të rinj kanë debatuar në mjediset e një lokali dhe më pas sherri ka degjeneruar në  përdorimin e armëve. Për pasojë, dy persona kanë mbetur të plagosur. Sipas policisë, ata janë: R. H., 31 vjeç dhe Gj.P. 27 vjeç., të dy jashtë rrezikut për jetën. 

Shërbimet e Policisë kanë shkuar në kohë në vendngjarje ku kanë bërë identifikimin e autorit dhe po punohet intensivisht pë kapjen e tij.

Pika të shumta kontrolli dhe në lëvizje për të bërë të mundur kapjen e autorit.

Grupi hetimor po vijon punën për zbardhjen e rrethanave të ngjarjes.