Komisioni i Pavarur i Kualifikimit shkarkoi nga detyra prokuroren në prokurorinë e Rrethit Gjyqësor Elbasan, Elveta Murra.
Trupa Gjykuese e përbërë nga Etleda Ciftja, Pamela Qirko, Roland Ilia pasi analizoi provat dhe faktet vendosi, shkarkimin nga detyra të prokurores Elveta Murra.
Prokurorja Murra iu nënshtrua vetingut për vlerësimin e kriterit të ligjshmërisë së pasurisë dhe kriterin etik dhe profesionale me 10 maj, por nuk arriti të bindi trupën gjykuese të KPK-së.
Gjatë seancës dëgjimore më 19 maj, KPK vuri në dukje se deklarimet e pasakta, të paplota dhe kontradiktore e nxirrnin prokuroren e Elbasanit me mungesë burimesh në disa transaksione financiare. Përfaqësuesi ligjor i Murrës, avokati Koçi Mato i pranoi pasaktësitë në deklarime e dokumentacion, por kërkoi hapje hetimi duke thënë se provat e sjella tregonin ligjshmërinë e pasurisë së subjektit.
Elveta Murra e ka nisur karrierën në sistemin e drejtësisë në vitin 1985.
Ajo punon prej më shumë se tre dekadash si prokurore në Prokurorinë e Rrethit Elbasan.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
