Një 44-vjeçar është arrestuar nga policia e Durrësit pasi është kapur me armë pa leje.
44-vjeçari, Blendi Rrogozhina sapo vuri re që po ndiqej nga policia, tentoi të fshihej duke u futur në lokalin e tij për të fshehur edhe pistoletën.
Por pas ndërhyrjes së bluve të Durrësit u bë i mundur arrestimi i 44-vjeçarit.
'Ky shtetas sapo ka evidentuar shërbimet e Policisë, është futur në lokalin e tij dhe ka tentuar të fshehë armën e zjarrit që mbante me vete. Ndërhyrja në kohë e Policisë ka bërë të mundur që arma e zjarrit pistoletë, krehëri i saj dhe municioni luftarak, t’i gjenden dhe t’i sekuestrohen menjëherë 44-vjeçarit, gjatë kontrollit fizik të ushtruar ndaj tij.
Blendi Rogozhina, 44 vjeç, banues në lagjen nr. 18, Durrës, u arrestua për veprën penale "Mbajtja pa leje e armëve, armëve shpërthyese dhe i municionit".
Materialet procedurale i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
