Gazment Buçpapa, autori i dyshuar i vrasjes së Egli Pashollarit, ngjarje e ndodhur më 20 shkurt 2026 në Tiranë, ka rënë në prangat e Policisë në Tropojë.
Sipas njoftimit zyrtar të Drejtoria Vendore e Policisë Tiranë, operacioni i koduar “Distanca” u finalizua me sukses pas veprimeve intensive hetimore dhe operacionale, të kryera në koordinim me Prokuroria e Tiranës.
Ngjarja ka ndodhur gjatë një konflikti në rrugën “Kongresi i Lushnjës” në kryeqytet, ku mbeti i vrarë shtetasi Egli Pashollari. Pas krimit, autori i dyshuar u largua nga Tirana dhe u fsheh në banesën e tij në Tropojë.
Specialistët e Sektorit për Hetimin e Krimeve të Rënda, pas lokalizimit dhe mbajtjes në mbikëqyrje të 40-vjeçarit, ndërhynë për ndalimin e tij. Gazment Buçpapa akuzohet për veprat penale “Vrasja me dashje” dhe “Prodhimi, mbajtja, blerja apo shitja pa leje e armëve të ftohta”.
Materialet procedurale i janë referuar Prokurorisë së Tiranës për veprime të mëtejshme hetimore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
