Një furgon me nxënës shkolle ka dalë nga rruga dhe ka përfunduar në kanal. Ngjarja ka ndodhur mesditën e sotme në fshatin Bilaj të Fushë-Krujës.
Si pasojë e aksidentit janë lënduar 7 fëmijë, nxënës të shkollës 9-vjecare nga të cilët dy janë në gjendje të rëndë dhe po trajtohen në spitalin e traumës në Tiranë.
Rreth 30 fëmijë ndodheshin në furgon në momentin e aksidentit, mbi kapacitetin që mban mjeti, dhe askush prej tyre nuk ka qenë i lidhur me rripin e sigurimit.
Humbja e kontrollit të mjetit dyshohet të ketë qenë shkak për aksidentin e rëndë, ndërkohë që drejtuesi i tij është shoqëruar në polici.
Aksidenti ka ndodhur pikërsiht kur ditën e sotme policia ka ndërmori një aksion në të gjithë vendin për të sensibilizuar drejtuesit që të respektojnë rregullat e qarkullimit rrugor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
