Shtohet numri i viktimave nga tërmeti me magnitudë 6.8 që goditi Turqinë mbrëmjen e të premtes. Presidenti i AFAD, Mehmet Gulluoglu tha në një lidhje live për mediat turke se deri tani janë nxjerrë nga rrënojat të pajetë 29 persona. Edhe numri i të plagosurve është rritur, duke shkuar në 1446.
Po ashtu, raportohet për 30 ndërtesa të rrënuara në total, 81 ndërtesa me dëme të mëdha dhe 53 ndërtesa me dëmtime të lehta.
Autoritetet turke flasin për 44 njerëz të shpëtuar nga rrënojat, teksa vijojnë kërkimet edhe për jetë të tjera. E gjithë qeveria turke është në terren duke ndihmuar ekipet e kërkim-shpëtimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
