Dy të rinj, 27 dhe 28 vjeç, të afërm midis tyre kanë përfunduar në prangat e policisë pasi kanë tentuar të vjedhin naftë në mjetet e kompanisë TAP, por në pranga ka përfunduar edhe roja i mjeteve, i cili ka qëlluar me pistoletë në ajër në përpjekje për të trembur grabitësit
Policia lokale sqaron se ka arrestuar shtetasit Bledar e Gëzim Kumanaku, të dy banues në fshatin Kallm i Vogël.
“Ndalimi i këtyre shtetasve u bë pasi gjatë natës, në fshatin Kallm, kanë tentuar të vjedhin naftën e mjeteve të kompanisë TAP”, sqaron policia.
Gjithashtu u arrestua në flagrancë shtetasi Bujar Hazizi, 49 vjeç, banues në Fier (me detyrë roje e një firme private).
“Arrestimi i tij u bë pasi në tentativë për të ndaluar personat e mësipërm, ka qëlluar në ajër me një armë zjarri pa leje. Në cilësinë e provës materiale u sekuestruan dy gëzhoja pistolete TT dhe automjeti tip Benz me targa TR 2450 I me të cilin udhëtonin 2 autorët e dyshuar”, thuhet më tej.
Materialet i kaluan Prokurorisë pranë Gjykatës së Shkallës së Parë Fier për veprën penale “Vjedhje” e mbetur në tentativë në ngarkim të shtetasve Bledar Kumanaku dhe Gëzim Kumanaku si dhe “Mbajtja pa leje e armëve luftarake” në ngarkim të shtetasit Bujar Hazizi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
