Detaje të reja janë zbuluar nga plagosja me thikë e ndodhur paraditen e sotme në afërsi të zonës së quajtur ‘Trekëndëshi’ në qytetin e Korçës.
Motra e të plagosurës, Marjana Plaku e cila ka qenë dëshmitare okulare shprehet se pa autorin që i doli përpara motrës së saj, e shtriu në tokë dhe më pas e goditi me thikë.
Ajo shprehet se çifti ka pasur shumë probleme dhe se motra e saj i dha fund lidhjes 2 vite më parë, por që ai nuk e linte rehat duke e ngacmuar dhe përndjekur vazhdimisht.
E pashë që nga spitali, motra po kalonte rrugës së spitalit dhe ai i doli përpara, e shtriu në tokë dhe e goditi me thikë. Ka pasur shumë probleme më përpara, e ndiqte prej 2 vitesh, pasi motra i dha fund lidhjes. Motra e kishte denoncuar në policia, ajo u pajis me urdhër mbrojtje por vazhdonte përsëri ta përndiqte.
Autori ishte në Greqi për 4 muaj, u kthye dhe filloi prapë ta ngacmonte. Ajo dilte për punën e saj, ai se linte rehat. Motra i thoshte mos më ndiq, se jam me burrë e fëmijë. Motra ka shtruar nipin këtu, ai e pa dhe e shtriu poshtë, ia futi thikën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
