Tregtonin mallra kontrabandë, dy të arrestuar në Tiranë

Dy persona janë vënë në prangat e policisë së Tiranës gjatë operacionit të koduar “Last box” të akuzuar për tregtim të mallrave kontrabandë.

Si rezultat i operacionit u bë arrestimi në flagrancë i A. L., 50 vjeç dhe D. K., 39 vjeç, të dy banues në Tiranë, për veprat penale “Tregtimi dhe transportimi i mallrave që janë kontrabandë”, “Ruajtja apo depozitimi i mallrave që janë kontrabandë”, “Fshehja e të ardhurave” dhe “Punësimi i paligjshëm”.

Gjatë kontrollit të ushtruar në një subjekt shërbimi postar, në rrugën “Eshref Frashëri”, me administrator shtetasin D. K.. dhe ortak shtetasin A. L., shërbimet e policisë gjetën dhe sekuestruan, në cilësinë e provës materiale, mallra dhe produkte të ndryshme, pa faturat tatimore përkatëse apo deklarata doganore për origjinën e tyre.  

Gjatë kontrollit në këtë subjekt janë gjetur edhe dy shtetase, të punësuara në mënyrë të paligjshme.

Materialet i kaluan Prokurorisë, për veprime të mëtejshme procedurale.