Finalizohet pas disa muajsh hetime, operacioni policor i koduar “Vjeshta”, për goditjen e një rasti të kultivimit të bimëve narkotike, në një zonë të pyllëzuar në fshatin Borsh, duke u vënë në pranga autori i dyshuar.
Në vijim të punës për parandalimin, evidentimin dhe goditjen e veprimtarive kriminale në fushën e narkotikëve, Komisariati i Policisë Himarë, pas disa muajsh hetime të kryera në drejtimin e Prokurorisë së Vlorës, për një rast të kultivimit të bimëve narkotike, ka organizuar dhe finalizuar operacionin policor të koduar “Vjeshta”.
Si rezultat i këtij operacioni u bë ndalimi i shtetasit H. B., 58 vjeç, banues në Borsh, për veprën penale “Kultivimi i bimëve narkotike”.
Nga veprimet hetimore dyshohet se ky shtetas është autori i kultivimit të bimëve narkotike kanabis sativa të gjetura gjatë kontrollit nga policia, në një zonë të pyllëzuar, në fshatin Borsh, Himarë. Bimët narkotike u asgjësuan me anë të djegies.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
