Alarm për bombë në avionin e linjës Manchester–Rinas/ Gjendet letër kërcënuese në tualet, ndërhyjnë Policia dhe Antiterrori

Alarm për bombë në avionin e linjës Manchester–Rinas/ Gjendet letër kërcënuese në tualet, ndërhyjnë Policia dhe Antiterrori

Një alarm për bombë ka ngritur në këmbë shërbimet e Policisë dhe strukturat e Antiterrorit në aeroportin e Rinasit mbrëmjen e sotme, pasi në bordin e një avioni që vinte nga Britania e Madhe u gjet një letër me mesazh kërcënues.

 

Sipas informacionit paraprak të Policisë, ngjarja ka ndodhur rreth orës 19:30, gjatë uljes së avionit të linjës Manchester–Rinas. Shërbimet e Policisë Kufitare janë njoftuar nga menaxheri i aeroportit (ODM) se në tualetin e avionit ishte gjetur një letër e shkruar në gjuhën angleze, me një mesazh kërcënues për shpërthim bombe.

 

Menjëherë pas marrjes së njoftimit, forcat e Policisë kanë ndërhyrë në pistë, duke mundësuar zbritjen e kontrolluar të pasagjerëve. Më pas, është kryer kontrolli i imtësishëm i avionit, i pasagjerëve dhe i bagazheve të tyre me ndihmën e qenve antieksplozivë.

 

Gjithashtu, pasagjerët janë kontrolluar në grupe, fillimisht nga efektivët e Policisë dhe më pas përmes skanerit të aeroportit, me qëllim identifikimin e sendeve që mund të kenë lidhje me shkrimin e mesazhit kërcënues. Pas kontrolleve të kryera në avion, Policia bën me dije se nuk është konstatuar asnjë send shpërthyes.

 

Për rastin është njoftuar edhe struktura e Antiterrorit dhe, nën drejtimin e Prokurorisë, vijojnë veprimet hetimore për dokumentimin e plotë të ngjarjes dhe identifikimin e pasagjerit që ka shkruar letrën.

MCN Radio logo
MCN Radio
103.1 FM
Drupal Ad
Drupal Ad
MCN Radio logo
MCN Radio
103.1 FM
Radio
Intro

MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.

Kategoritë
Streaming

MCN TV

MCN Radio

Contact

info@mcn.tv.al

+355 422 00200

All rights reserved. MCN 2025

Terms and ConditionsPrivacy Policy