Ambasada franceze në Shqipëri nëpërmjet një postimi në web-faqen e saj ka publikuar disa foto, ku tregohen 310 municione që janë nxjerrë nga deti gjatë një operacioni për pastrimin e tij.
“Ky aktivitet i fundit bëri të mundur në veçanti zbulimin dhe nxjerrjen e municioneve historike të kalibrave të ndryshëm, duke kontribuar në shpërbërjen e gjirit të Vlorës, një vend i rëndësishëm turistik, siguria e të cilit është përmirësuar në këtë mënyrë”, shkruan Ambasada franceze.
Aksioni u inicua nga flotilja e forcave detare shqiptare, të komanduara nga kapiteni i fregatës, Sabri Gjinollari.
Ambasada bëri të ditur se Gjinollari është një ish-student i Shkollës së Luftës në Paris.
Gjatë operacionit u kryen disa aktivitete. Që nga ushtrimi i manovrimit dhe lundrimit me anijen patrulluese Oriku, ekspertiza e një rrënoje në bazën e Pashalimanit, apo kërkimi i mjeteve të pashpërthyera.
Ky bashkëpunim i frytshëm bën të mundur parashikimin e ndjekjes së aktiviteteve me interes të përbashkët me rastin e ndalesave të rradhës të Marinës Kombëtare në Shqipëri.
Pluton është anija e dytë franceze që është sjellë në Shqipëri këtë vit, pas ndihmës metropolitane të Loire, në fillim të prillit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
