Gjykata e Torinos ka shpallur të pafajshëm tre të pandehurit për vrasjen e shqiptarit, Shpëtim Frashëshi. Sipas mediave italiane, të dyshuarit kryesorë, Hasim Murataj, 27 vjeç, Çerçiz Banushi, 28 vjeç dhe Sabri Brakaj, 35 vjeç, janë shpallur të pafajshëm nën pretendimin se nuk kishin lidhje me ngjarjen.
Ata akuzoheshin se natën e 22 tetorit 2017, kur edhe u vra Frashëri, ndihmuan autorin Donaldi Rushiti, për të fshehur krimin. Rushiti u dënua me 12 vjet burg pasi u arrestua në Tiranë. Pas rindërtimit të dinamikës, tre të pandehurit ishin thirrur nga Rushiti pasi vrasja kishte ndodhur dhe nuk kishin lidhje me ngjarjen.
Ndërkohë, mediat fqinje shkruajnë se Frashëri ishte tutor prostitutash dhe u vra para një lokali pas një sherri mes bashkëatdhetarëve të tij. Ai u ndoq për 150 metra dhe më pas u qëllua për vdekje me armë zjarri. Sipas hetuesve, Rushiti kishte rënë në dashuri me një nga punonjëset e seksit që menaxhonte Frashëri dhe kishte për qëllim ta lironte për ta marrë me vete.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
