Merr flakë një banesë trekatëshe ne Fier

Një zjarr i madh ka përfshirë një banesë tre-katëshe në qytetin e Fierit, përkatësisht në lagjen “Apollonia”, mesditën e sotme.

 Mësohet se për shkak të zjarrit, është përhapur tym në qytet, ndërkohë që zjarrfikëset ndodhen në vendngjarje dhe punojnë për neutralizuar flakët.

Zjarri besohet të jetë shkaktuar nga një shkëndijë elektrike.

Njoftimi i Policisë Fier:

Sot rreth orës 12:50, në lagjen “Apollonia”, në katin e tretë të banesës së shtetasit A. Q., në të cilën nuk banonte njeri, ka rënë zjarr.

Paraprakisht dyshohet se zjarri ka rënë si pasojë e një shkëndijë në një prizë elektrike dhe ka patur vetëm dëme të vogla materiale.

Menjëherë në vendngjarje kanë shkuar shërbimet e Policisë dhe Zjarrëfikëset, të cilët bënë të mundur fikjen e zjarrit.
Po punohet për zbardhjen e plotë të ngjarjes.