Pronari i një pike lotoje në Kavajë është vënë në pranga për “Prodhim dhe shitje lëndësh narkotike” dhe “Organizim i lotarive të palejuara”.
Erti Kadiu, 31 vjeç, banues në Kavajë, ushtronte aktivitet të kundraligjshëm të shpërndarjes së lëndëve narkotike në biznesin e tij. Gjatë kontrollit të ushtruar ditën e djeshme, në lokalin e tij u gjetën doza lënde narkotike të dyshuar e llojit kokainë, peshore elektronike, municion luftarak dhe kompjuterë për ushtrim lojërash fati pa leje.
Kështu, në cilësinë e provës materiale janë sekuestruar 4 kompjuterë lojërash fati, 21 doza lënde narkotike e dyshuar kokainë, 45 fishekë model 56, 15 fishekë model “Parabelium”, 9 fishekë model 54 si dhe një sasi parash në lekë dhe dollar kesh.
Po ashtu, gjatë kontrollit të ushtruar në banesën e këtij shtetasi iu gjetën dhe sekuestruan në cilësinë e provës materiale edhe disa dokumente shtetërore të dyshuara të falsifikuara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
