Gjashtë banorë të fshatit Lumas janë proceduar penalisht, pasi protestuan dje për burimin e Sinecit.
Bëhet fjalë për shtetasit: A.Sh., 74 vjeç, R.S.,67 vjeç ,A.S., 36 vjeç, R.Sh.,56 vjeç, S.G., 41 vjeç, Sh.S 69 vjeç, banues në fshatin Lumas, Kuçovë.
Këta persona në bashkëpunim me njëri-tjetrin, kanë penguar punonjësit e Policisë së Shtetit në përmbushje të detyrës së tyre, në mbështetje të kërkesës së Bashkisë Kuçovë për realizimin e investimit për ujësjellësin në fshatin Lumas.
Materialet i kaluan Prokurorisë së Rrethit Gjyqësor Berat, për veprat penale “Kundërshtim i punonjësit të rendit publik”, “Organizimi dhe pjesëmarrja në grumbullime dhe manifestime të paligjshme”,” Pengimi i qarkullimit të mjeteve të transportit”.
Kujtojmë se banorët e fshatit Lumas në Kuçovë kanë protestuar për të ruajtur burimin e ujit të Sinecit, të cilin me një vendim të Bashkisë do t’i devijohet rrjedha.
Banorët janë përpalsur me policinë, pasi mjetet kanë nisur punën këtë të premte.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
