27-vjeçari Jani Rustemi, i cili ishte prej ditësh në gjendje kome në QSUT, pasi u arrestua nga policia në Tiranë më 12 Prill 2023 nga forcat e Komisariatit Nr.2, ka ndërruar jetë.
I riu u arrestua për vjedhjen e një tapeti dhe një palë atlete. Por 5 ditë më vonë, më 17 Prill, ai është dërguar në Urgjencën e QSUT në gjendje të rëndë.
Ai ka ndërruar jetë sot në Reanimacionin Qëndror në QSUT, në ora 16:20.
Rustemi, baba i dy fëmijëve, dhe përdorues droge, sipas mjekëve, vuante nga “Bradipne humbje koshience, acidozë e thellë respiratore”.
Rasti i tij ka ngritur shqetësimin e Komitetit të Helsinkit, i cili pas një auditimi të procedurës së ndjekur nga institucionet e shtetit, konstatoi një sërë shkeljesh të rënda, deri në diskriminimin e të riut që i përket komunitetit rom.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
