Dy persona janë vënë në prangat e policisë së Devollit, të kapur me lëndë narkotike në makinë.
Nga ana e uniformave blu u arrestuan në flagrancë shtetasit A. P., 42 vjeç, banues në fshatin Përparimaj, Devoll dhe A. P., 29 vjeç, banues në fshatin Sul, Devoll, pasi në fshatin Përparimaj, punonjësit e Policisë Kufitare kanë ndaluar automjetin tip “Benz” me drejtues 29-vjeçarin dhe pasagjer shtetasin A. P., i cili gjatë kontrollit fizik, ka hedhur në tokë disa doza lënde të dyshuar narkotike kokainë.
Gjithashtu, gjatë kontrollit në banesën e 29-vjeçarit, u gjet një armë gjahu pa leje, e cila u sekuestrua në cilësinë e provës materiale, së bashku me lëndën narkotike, automjetin dhe 3 celularë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
