Zbulohet një lokal në Lezhë i përshtatur për baste sportive. Gjatë operacionit të koduar “Kontrolli”, nga kontrollet e ushtruara në një lokal, u konstatuan dy persona duke ushtruar këtë veprimtari të paligjshme.
Në vijim, u arrestua në flagrancë shtetasi Simon Bibaj, 32 vjeç, banues në Lezhë, ndërsa shtetasi L. R., 31 vjeç, banues në Lezhë, u procedua penalisht.
Nga kontrollet e ushtruara u sekuestruan dy aparate celularë, të cilët përdoreshin për zhvillimin e paligjshëm të lojërave të fatit, në cilësinë e provës materiale.
Lidhur me këtë rast materialet iu referuan Prokurorisë Lezhë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
