Sot në Ditën Europiane të Përkujtimit të Viktimave të Sistemeve Totalitare. Muzeu Historik Kombëtar ka zgjedhur të prezantojë dy nga objektet kryesore në lidhje me këtë datë të shënuar.
Objektet e ekspozuara në pavijonet e Muzeut Historik Kombëtar, janë: Pantallonat e Gjon Vatnikaj (Tunxhi), të arnuara këto me fije flokësh të nënës së tij, Mrika Tunxhi, gjatë kohës së internimit.
Objekti është pjesë e koleksionit të Muzeut Historik Kombëtar dhe ekspozohet në Pavijonin e Terrorit Komunist në Shqipëri.
Objekti tjetër i përket Margarita Tutulanit (1925-1943), Heroinë e Popullit. Pushkatuar në moshën 19-vjeçare së bashku me të vëllain Kristaq Tutulani, më 6 korrik 1943 nga fashistët italianë. Xhaketa është mbajtur nga Margarita ditën e pushkatimit, gjë që e dëshmojnë njollat e gjakut të dukshme edhe sot.
Objekti është i ekspozuar në Pavijonin e Luftës Antifashiste Nacionalçlirimtare për publikun e gjerë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
