Kryedispeçeri në Portin e Durrësit, Shefki Keci mësohet se është arrestuar nga autoritetet belge, për llogari të shtetit italian. Sipas burimeve nga policia, MCN mëson se arrestimi i Kecit është bërë tre ditë më parë në Belgjikë, pasi ka rezultuar në kërkim nga autoritetet e Italisë lidhur me një çështje rreth 15-20 vite më parë.
Mësohet se Shefki Keci mbante postin e Kryedispecerit në Portin e Durrësit prej rreth një viti, ndërsa kishte udhëtuar jashtë vendit ditët e fundit. Burimet thanë se në Belgjikë ndodhej për disa punë të tij persona.
Lidhur me çështjen e tij, MCN u interesua edhe pranë autoritetit portuale në Durrës. Zëdhënësja e këtij institucioni, ndryshe nga burimet e policisë, tha se Shefki Keci aktualisht ndodhej jashtë vendit për një trajnim. Sipas saj, nuk kishte asnjë informacion nëse ky person është arrestuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
