Për Irena Beqiraj, ish-zëvendës ministren e Financave, përgjegjësia e ish-ministrit të Financave Shkëlqim Cani te dhënia e miratimit për Studimin e Fizibilitetit të koncesionit të sterilizimit është zero.
Ajo sqaron se nuk është detyra e ministrit të Financave të kontrollojë gabimet, por e Autoritetit Kontraktor që në këtë rast ishte Ministria e Shëndetësisë.
“Politikat për studimet e fizibilitetit çfarë pranojnë a do bëjmë sterilizimin, Check Up, do ndërtojmë spitale, do bëjmë qendra shendetësore do japim para më shumë për mbrojtje sociale, i bën ministri i linjës. Unë n.q.s do të isha Ministër i Financave do ulërisja nga mëngjesi deri në darkë se çfarë është bonusi i bebeve për fëmijët e jorezidentëve , nuk më duket poltikë , më duket shpërdorim parash. Sa do që e them unë nuk e di mund ta kenë thënë edhe kolegët e mi që kanë qënë në qeveri, është detyra e ministrisë përkatëse ta thotë nëse i duhet apo jo. Pra cfarë lëviz dhe ndryshon brenda disa tavaneve të lejuara buxhetore nuk ka të drejtë ministri i Financave të thotë “jo këtë poltikë ti nuk e bën se nuk me pëlqen mua se i bie të futet në kompetencat e homologut të tij ose Autoritetit Kontraktor. Ministri i Financave nuk ka mundësi apo kapacitet të thotë që ky celulari që ka blerë ky vlen tre lekë apo jo, rruga duhet ta ketë koston aq po kaq, Check Up-i duhet ta ketë koston e lartë apo të vogël , pastaj të kontrollojë djegsat ,pastaj hidrocentralet se i bie të kemi një chat GPT Ministër Financash jo më një human”, argumenton Beqiraj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
