Komisioni i Pavarur i Kualifikimit, shkarkoi nga detyra të prokurorit të Tiranës, Kudusi Shahu.
Në seancën e parë më 2 nëntor u evidentuan mospërputhje e pasaktësi në deklarimin e pasurisë, si dhe balanca negative në vlera të mëdha për krijimin e tyre, ku për periudhën 2009-2011 u relatua balancë negative në shumën 10.8 milionë lekë.
Ndaj prokurorit Kudisi Shahu janë depozituar gjashtë denoncime nga publiku. Në tre denoncime të vitit 2018 pretendohet për moskryerjen e veprimeve hetimore nga ana e subjektit.
Komisioni i Pavarur i Kualifikimit njofton se pas shqyrtimit të dokumentacionit dhe zhvillimit të seancave dëgjimore në datën 2.11.2022 dhe 7.12.2022 për subjektin e rivlerësimit, Kudusi Shahu bazuar në ligjin nr. 84/2016, vendosi: Shkarkimin nga detyra të subjektit të rivlerësimit, Kudusi Shahu, prokuror pranë Prokurorisë së Rrethit Gjyqësor Tiranë.
Kudusi Shahu e ka nisur karrierën në sistemin e drejtësisë në vitin 1998 dhe punon prej më shumë se dy dekadash si prokuror pranë Prokurorisë së Rrethit Tiranë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
