Konispol, burri vret gruan me sopatë. I biri e shtyn nga shkallët, humb jetën 69-vjeçari

<p>Ky është momenti kur autoambulanca merr trupat e pajetë të çiftit Islamaj, nga banesa e tyre në fshatin Shalës të Konispolit.</p> <p>Ata mbetën viktimë pas një konflikti orët e para të së martës.</p> <p>Policia e Sarandës njoftoi se Hysen Islamaj, 69 vjeç, goditi me sopatë gruan e tij, Shano Islamaj, 66 vjeç.</p> <p>Kjo e fundit, ka humbur jetën në vendngjarje. Por pak çaste më pas, 69-vjeçari është konfliktuar edhe djalin e tij.</p> <p>40-vjeçari Klementin Islamaj dyshohet se e ka shtyrë të atin nga shkallët, që si pasojë e goditjeve të marra, ka humbur jetën.</p> <p>Policia ka vënë në pranga djalin e dy viktimave, ndërsa prokuroria e Sarandës ka marrë deklarimet e familjarëve për zbardhjen e rrethanave.</p> <p>Ndërkohë, burimet thonë se Hysen Islamaj njihej si person konfliktual.</p> <p>Momentin kur ka ndodhur ngjarja, e pranishme ka qenë edhe mbesa e tyre. e mitura ka telefonuar të atin, Klementin Islamaj duke i thënë se gjyshi vrau nënën.</p> <p>40 vjeçari, gjatë konfliktit me të atin e ka shtyrë nga shkallët dhe i moshuari ka gjetur vdekjen disa minuta më pas.</p> <p>&nbsp;</p> <iframe width="1250" height="703" src="https://www.youtube.com/embed/dhH-JQtTKAw" title="Konispol, burri vret gruan me sopatë. I biri e shtyn nga shkallët, humb jetën 69-vjeçari" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>