Një 22-vjeçar nga Durrësi i identifikuar me inicialet F.M është ndaluar nga Policia Rrugore pasi ishte duke drejtuar mjetin fuoristradë me 150 km/h në Bypass-in e Fierit dhe nuk i është bindur urdhrit për të ndaluar, por ka vijuar me shpejtësi në drejtim të Vlorës, ku është konstatuar sërish nga efektivët rrugorë me 159 km/h në autostradën Levan-Vlorë, ku dhe është ndaluar.
I riu është ndëshkuar me masë administrative 29.000 lekë të rinj, me 10 muaj pezullim të lejes së drejtimit dhe zbritje prej 6 pikësh nga leja e drejtimit.
Ndërkohë në 24 orët e fundit Policia Rrugore bënë me dije se në të gjithë akset e vendit janë arrestuar në flagrancë 7 drejtues mjetesh dhe motomjetesh, nga të cilët 4 për drejtim mjeti në gjendje të dehur dhe 3 për drejtim mjeti pa leje drejtimi.
Ndërkohë janë pezulluar 49 leje drejtimi, nga të cilat 33 për shpejtësi mbi normat e lejuara dhe 14 për drejtim mjeti nën efektin e alkoolit apo në gjendje të dehur dhe 2 për drejtim mjeti në sens të kundër.
Në të gjithë vendin janë ndëshkuar me masë administrative 1760 drejtues mjetesh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
