Thyen rregullat antiCovid/ Gjobiten 1278 persona

Gjatë 24 orëve të fundit, sipas Policisë së Shtetit, janë ndëshkuar me masë administrative 1278 shtetas që janë konstatuar pa maskat mbrojtëse antiCovid.

Gjithashtu, janë ndëshkuar 10 administratorë subjektesh që kanë zhvilluar aktivitetin në kundërshtim me protokollet e sigurisë dhe 41 shtetas që janë konstatuar duke lëvizur pas orarit të lejuar.

Strukturat e Policisë, krahas përmbushjes së detyrave funksionale për parandalimin, evidentimin dhe goditjen e paligjshmërisë, nisur nga rastet e shtuara të infektimit me COVID-19, kanë intensifikuar kontrollet në terren, për të monitoruar zbatimin e masave për parandalimin e përhapjes së COVID-19.

Gjatë 24 orëve të fundit, Patrullat e Përgjithshme në të gjithë vendin kanë evidentuar dhe ndëshkuar me masën administrative 3.000 lekë, 1103 shtetas që nuk kishin vendosur maskat mbrojtëse.

Shërbimet e Policisë Rrugore kanë ndëshkuar me të njëjtën masë administrative 175 shtetas që udhëtonin në mjete private me persona me të cilët nuk kishin lidhje familjare apo në mjetet e transportit publik, pa vendosur maskën mbrojtëse, si dhe kanë ndëshkuar me pezullim të lejes së drejtimit dhe bllokim mjeti, 59 drejtues mjetesh që qarkullonin pa autorizimin përkatës pas orës 20:00.

Gjatë kontrolleve janë shoqëruar në ambientet e Policisë, 8 shtetas që nuk kanë pranuar t’i tregojnë punonjësve të Policisë dokumentin e identifikimit, të cilët pasi kanë paraqitur dokumentin e identifikimit janë ndëshkuar me masë administrative 3.000 lekë dhe janë lënë të lirë.

Janë ndëshkuar me masë administrative 1.000.000 lekë secili, 10 administratorë subjektesh që janë konstatuar duke ushtruar aktivitetin në kundërshtim me protokollet e sigurisë.

Gjithashtu, në të gjithë vendin janë ndëshkuar me masë administrative 10.000 lekë, 41 shtetas që janë konstatuar duke lëvizur në këmbë pas orës 20:00.

Në zbatim të masave kufizuese, Policia e Shtetit apelon për të gjithë qytetarët dhe drejtuesit e mjeteve që të respektojnë orën policore, të vendosin maskën dhe të ruajnë distancimin social, ndërsa subjektet tregtare, lokalet dhe restorantet të respektojnë protokollet e sigurisë dhe orarin e mbylljes së aktivitetit, për të bërë të mundur shkëputjen e zinxhirit të infektimit.

MCN Radio

103.1 FM

MCN Radio

103.1 FM

Intro

MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.

Kategoritë

Kreu Politike Ekonomi Sociale Sport

Streaming

MCN TV

MCN Radio

Website

Kreu Rreth Nesh

Contact

info@mcn.tv.al

+355 422 00200

Terms and Conditions Privacy Policy