Në kërkim për vrasje të mbetur në tentative, merr fund arratia për 41-vjeçarin në Berat

Policia e Beratit, ka vënë në pranga 41-vjeçarin Dh. Gj., (P) pasi ishte shpallur në kërkim për vrasje të mbetur ne tentativë.

Në vijim të punës për kapjen e personave të shpallur në kërkim dhe vënien e tyre përpara përgjegjësisë penale, shërbimet e DVP Berat, bazuar dhe në informacionet e siguruara, kanë kapur dhe ndaluar shtetasin në kërkim Dh.Gj.(P.), 41 vjeç, banues në Kuçovë.

Arrestimi i tij erdhi pasi Gjykata e Rrethit Gjyqësor Berat, me vendimin e datës 31.05.2022, i ka caktuar masën e sigurisë “Arrest në burg”, për veprën penale “Vrasja me dashje” e mbetur në tentativë.

Ky shtetas, në muajin maj 2022, në lagjen “30 Vjetori”, Berat, ka goditur me sende të forta shtetasin V. B.