Gërmimet e fundit në Kizhevak të Serbisë, kanë zbuluar trupat e dy shqiptarëve të vrarë, që i përksin banorëve të Rezallës së Drenciës. Ka bërë të ditur Drejtori i Institutit të Mjekësisë Ligjore të Kosovës, Arsim Gërxhaliu.
Sipas tij, lidhur me mbetjet mortore, menjëherë pas tërheqjes do të kryhet edhe ekspertiza mjeko ligjore në një tendë e cila është sallë e improvizuar për ekzaminim mjeko ligjor.
“Do të merren mostrat për ADN dhe do të dërgohen për analizë në Komisionin Ndërkombëtar për Personat e Zhdukur (ICMP)”, shtoi Gërxhaliu.
Gërmimet për gjetjen e trupave të personave të vrarë gjatë luftës së fundit në Kosovë, në Kizhevak të Serbisë kanë rifilluar më 5 maj, me dekonzervimin e terenit.
Këto gërmime po vazhdojnë të zhvillohen pas përfundimit të atyre në “Varrezat e myslimanëve në veri të Mitrovicës”, vend ky ku nuk është gjetur asnjë mbetje mortore.
Në Kosovë që nga paslufta janë gjurmuar qindra lokacione në kërkim të personave të zhdukur gjatë luftës.
Pas përfundimit të luftës në Kosovë, në vitin 1999 rezultuan rreth gjashtë mijë e 500 persona të zhdukur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
