Në kërkim për drogë dhe pjesë e grupit kriminal, kapet në Fier

Një operacion i policisë së Fierit i koduar “Interaction”, ka vënë në pranga një person të shpallur në kërkim.

Si rezultat i këtij operacioni u vu në pranga M. B., 61 vjeç, banues në Fier.

Gjykata e Posaçme e Shkallës së Parë Kundër Korrupsionit dhe Krimit të Organizuar Tiranë, pas procedimit penal të nisur në vitin 2019 nga Drejtoria e Përgjithshme e Policisë së Shtetit, në bashkëpunim me agjencitë e tjera ligjzbatuese, me vendimin e datës 08.03.2022, ka vendosur për këtë shtetas masën e sigurisë “Arrest me burg” për veprat penale “Grup i strukturuar kriminal”, “Kryerja e veprave penale nga organizata kriminale” dhe “Prodhimi dhe shitja e lëndëve narkotike”.

Për ndjekje të mëtejshme ndaj të dyshuarit materialet iu referuan Prokurorisë së Fierit.