Juria e gjykatës së Floridas do të dënojë me burgim të përjetshëm ish-studentin që vrau 17 persona në sulmin më vdekjeprurës të kryer në shkollat amerikane.
Rasti është një nga sulmet më të përgjakshme në shkollë në historinë e SHBA.
Dënimi i përjetshëm pa lirim me kusht, tashmë një formalitet, do të vendoset në një seancë dëgjimore më 1 nëntor.
Juria e përbërë nga shtatë burra dhe pesë gra e ktheu vendimin e tyre pas shtatë orësh e gjysmë diskutimesh, pas një gjyqi 60-ditor në të cilin ekipi mbrojtës i Cruz argumentoi se veprimet e tij ishin rezultat i sëmundjes mendore dhe dëmtimit të trurit të shkaktuar nga sindroma e alkoolit fetal.
Më 14 shkurt 2018, 19-vjeçari Nikolas Cruz hapi zjarr ndaj studentëve dhe stafit në shkollën e mesme Marjory Stoneman Douglas në qytetin periferik të Majamit, Parkland, Florida.
Cruz, një ish-nxënës i asaj shkolle u largua nga vendi i ngjarjes në këmbë duke u përzier me studentë të tjerë, por u arrestua nga policia vetëm një orë më vonë.
Ngjarja ndodhi në një kohë kur debati për kontrollin e armëve në SHBA ishte në kulmin e vet. Ky debati kishte pasuar ngjarjen e ngjashme në Paradise, Nevada, dhe në Sutherland Springs, Teksas, në tetor dhe nëntor 2017.
Studentët në Parkland themeluan Never Again MSD, një grup avokues që lobon për kontrollin e armëve.
Më 9 mars, Guvernatori Rick Scott nënshkroi një projekt-ligj që vendoste kufizime të reja ndaj ligjeve të armëve në Florida dhe gjithashtu lejonte armatimin e mësuesve që ishin trajnuar siç duhet dhe punësimin e oficerëve në shkolla.
Më 20 tetor 2021, Cruz u deklarua fajtor për të gjitha akuzat dhe kërkoi falje për veprimet e tij. Prokuroria kërkoi dënimin me vdekje, por seancat u shtynë disa herë, pjesërisht për shkak të pandemisë COVID-19. Dhënia e vendimit mbyll fazën e fundit të gjykimit, e cila nisi në më 18 korrik 2022.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
